Shillong, Nohprah 20: Ha ka jingpynbna sorkar kaba la pynmih ha ka 19/12/2025 ka sorkar kala pynkynriah kam ia ki ophisar kiba don ha Secretariat bad kum juh ia ki Deputy Commissioner ha ki District.
Ki IAS ophisar kiba la shah pynkynriah baroh ki long phra ngut katba Dr. Pooja Pandey IAS ka jingleit trei bad ka sorkar pdeng kan kut ha ka 31/12/2025 kumta na ka liang jong ka sorkar kala thung kum Commissioner bad Secretary ka tnad kam poh iing.
U Dr. BDR Tiwari IAS ba dei Chief Electoral Officer ka sorkar jylla namar kane ka kam la pynkhamti ha u ban long ruh u Commissioner bad Secretary ka tnad pynroi khappud ka sorkar jylla.
Ia u Deputy Commissioner jong ka West Khasi Hills District u bah Garod LSN Dykes IAS la pynkynriah bad la thung ia u ban long kum u secretary ka tnad kam poh iing ka sorkar jylla.
Ka kong Isawanda Laloo IAS ka Secretary ka tnad ialehkai la thung ia ka ba kan bat ruh ia ka kam hapoh ka tnad Personal kum ka Secretary. Ia u Deputy Commissioner ka East Jaintia Hills District u Shivansh Awasthi IAS la pynkynriah ia u bad ka thung ban long Joint Secretary Chief Minister Secretariat.
Ia ka Hema Nayak IAS la pynkynriah ia ka kum ka Deputy Commissioner ka South West Garo Hills District bad la wanrah ia ka kum ka Deputy Commissioner ka West Khasi Hills District. Ka Solani Verm IAS secretary ka tnad sam bam kan long ruh kum ka Deputy Secretary ka tnad pynroi sor bad ka CEO jong ka Smart City Shillong.
Ia ka Richa Kulkarni IAS la pynkynriah ia ka na ka kam Sub Divisional Officer (Sadar) West Garo Hills District ba kan long noh kum ka Sub Divisional Officer (Civil) jong ka Dadenggre. Ia ka Vevotolu Kezo IAS, la pynkynriah iaka na ka kam Sub Divisional Officer (Sadar) Jowai bad la phah ia ka ban long nong kum ka Sub Divisional Officer Civil Amlarem.
