Shillong, Nailur 25: Ka seng kynthei jong ka party BJP kala pynlong ia ka jingai dawai ei hapoh ka shnong Maweitnai ha Mylliem bad ha kane ka jingai jingsumar ei kiba la ioh ia ka jingmyntoi labuh kynthup ia ki kynthei khynnah.
Shuwa ban sdang ia ka jingai jingsumar ei kala don ka jingialang kaba lyngkot ha kaba ka President jong ka seng kynthei ka BJP ka kong Suk Pariat kala ong ba ka pynpaw ia ka jingsngewnguh ia ki pidbah nongshong shnong namar ki long kiba la koi ban iarap.
Ka kong Suk ka la ong ba ka dei ka kamram jong ki ba kin rung sha ki kynkyndong ruh ban iarap ia ki paidbah ha ki shnong ki thaw kiba la shah sngewbha ban pynlong ia kane ka jingai jingsumar ei ia ki paidbah.
Kteika nongialam jong ka BJP kala ong ba ban pynlong ia kum kine ki jingai jingsumar ei sha ki paidbah ka long halor ka jingbthah jong u mytnri rangbah duh jong ka Ri India ban lap ia ka jignshisha la ki lat ki jingsumar ha ki nongkyndong ki biang ne em.
Ka nongialam jong ka BJP kala pynshai ba kane ka jingpynlong ia ki jingai jingsumar ei ban pynthikna bad ki paidbah ki long kmie kin ioh ia ki dawai dashin kiba biang bad na ka bynta ki long kiba leit ban kha khun sha ki hospital kin ioh ruh ia ka pisa haba ki mih na hospital.
