Shillong, Iaiong 22: Kum shibynta ka jingnoh synñiang ia ki nongñiah kali kamai bad ki pulit ba pynïaid kali ban don ia ka bor met kaba koit ba khiah krad, ka Shillong Traffic Police ha ka jingiatreilang bad ka District Medical and health Services ka la pynlong ia ka ban ai jingsumar ei kaba shi sngi ha Khyndailad, Shillong.
Kane ka jingsumar ei ka kynthup ia ka jingsumar ia ki khmat, ki skhor, ka jingsumar AYUSH bad kiwei kiwei de ki jait jingsumar ei. Kane ka long ban pynsngewthuh ruh ha ka juh ka por ia ki nongniah kali ba kin sumar ban ioh ia ka met kaba koit kaba khiah.
Haba kren sha ki lad pathai khubor, u K Prasad, MPS, Superintendent of Police ka Shillong Traffic u la ong, ba ki nongñiah kali kamai bad ki pulit pyniaid kali ki shah ktah bha ha ka liang ka koit ka khiah namar ki hap ban shah ia sngi, ban ring mynsiem ia ka lyer jakhlia ha ki surok ka pynlong ba kin ioh ia ki jingpang.
Ha kajuh ka por ki Doctor ki la pynpaw ba ka jingkoit jingkhiah ka long kaba kongsan bad ia ki driver bad kumjuh ia ki pulit bad mynta ki la don da ki spah tam kiba la wan ban shah sumar ha kane ka sngi.
