Shillong, Jymmang 30: Ka tnad Indian Metrological Department jong ka sorkar pdeng kala pyntip ba kan don ka jingslap ka ban bteng naduh la shai ka sngi 31/Jymmang/2024 haduh katei ka 3/Jylliew/ 2024 kaba ka slap kan jur bha, ryngkat ka jingtied u pyrthad.
Naduh la shai ka sngi kan don ka jingslap ka ban long pdeng ha baroh kawei ka jylla Meghalaya bad kaba jur kan long ha ka 3/Jylliew/ 2024, kane ka jingslap kan jur bha ka lah ban poi haduh ka 21cm ka lah ban jia.
Kan don ruh ka jingslap kaba jur bad ka jingtid u pyrthad bad ka jingbeh ka lyer ha ka jingsted ka ban long ha pdeng 30 haduh 40 km ha ka shikynta ka jingsted jong ka jingbeh ka lyer, kane ka jingpyntip kan long na ka bynta ka jylla Meghalaya.
Ha kine ki ar sngi ka jingslap kaba jur kala lynshop ia ki bynta ba shathi jong ka jylla Meghalaya ia khap bad ka Bangladesh, bad ia ka Jaintia Hills baroh kawei ha kaba kala wan rah ia ka jingjulor ha kylleng hapoh ka tei ka District.
