Shillong, Rymphang 26: Ka seng Jaitia Student Union (JSU) central Body ka kren shai sha ka Sorkar pdeng bad ka Northeast Frontier Railway (NFR) ba kim dei ban wan rah lynti rel ha poh rilum Jaintia kat ba kim pat lah ban wan rah ia ki ain ki ba khlain ban iada ia ka jing wan rung kyrthep ki briew ki ba na bar.
Ka ne ka jingpyrshah ka seng ka la wan long hadien ka jing mih khubor ba ka NFR ka thmu ban sorjamin ia ka lynti rel na Bhoksong, Rajagoan, Baithalangso, Jengkha,kherani bad Umrangso ka ban pyniasoh shaduh Jowai
Na ka liang ka seng ka la kyntu ruh ia ka JHADC ba kam dei satia ban ai No Objection certificate (NOC) sha ka NFR na ka Bynta ka lynti rel katba ka Sorkar kam pat lah ban pyntrei kam ia ka Inner Line Permit(ILP)
Ka Jaintia Student Union ka la ai jingmut sha ka Sorkar ha ka jaka ka lynti rel ai noh da ki medical college, Engineering college bad ki Wei ki Wei ki jing don ka.
