Shillong, Iaiong 13: Ka Mohun Bagan Super Giant (MBSG) ka la jop ha ka Indian Super League (ISL) 2024-25 Cup hadien ba ka la jop da 2-1 pyrshah ia ka Bengaluru FC ha madan Vivekananda Yuba Bharati Krirangan Stadium ha Kolkata.
Ka jingialehkai phainal jong ka ISL 2024-25 ka la long kaba itynnad bad ka ba iakhaid bha hapheng ki ar kynhun kata ka Mohun Bagan Super Giant FC bad ka Bengaluru FC ha kaba ka ki 90 minute ka jingialehkai ki la long ba iakhaid da kaba ki ioh ban ia thep goal mar shi goals.
Hynrei hadien jong kane namar ka jingiakhaid ki ar kynhun la rah noh ia ka jingialehkai sha ka extra time bad ha ka ne ka Mohun Bagan Super Giant FC ka la lah ban ioh tam shi goal bad ka la ioh khur shi syndon ia ka nam lahduh jong ka lympung Indian Super League 2024-24.
Ka MBSG ka la ioh ban thep ar goal. kawei ka dei na ka penalty ba la shud da u J.Cummings ha ka minute kaba 72 bad ia ka ar la thep da u Jamie Maclarenha ka minute ba 96.
Ka Bengaluru FC ka la ïoh ban thep tang kawei ka goal ha ka minit kaba 49 lyngba ka jingïarap jong u rangïalehkai ba shadien u Alberto Rodriguez. U Williams u la ïoh ban thep shi goal.
Ki khusnam jong ka ISL 2024-25 ka Jamshedpur FC ka ioh ia ka khusnam best grassroots programme, Ka Punjap FC ka la ioh ia ka Best Elite Youth Programme, ia ka khusnam Golden Glove la ioh da Vishal Kaith u rangïalehkai ka MBSG.
Ia khusnam Golden Boot la ioh da u Alaaeddine Ajaraie u rangïalehkai ka NEUFC, emerging player of the league la ioh da u Brison Fernandes u rangïalehkai ka FCG bad ia ka Goalden ball la ioh sa u Alaaeddine Ajaraie u rangïalehkai ka NEUFC
Ka Mohun Bagan Super Giant FC ka kynhun laduh jong ka samoi ISL 2024-25 ka la ioh khur ia ka song pisa kaba 6 klur tyngka bad ka ISL trophy, katba ka Bengaluru FC ka ioh khur ia ka song pisa kaba 2.5 klur tyngka.
