Rai ka Kabinet ban tei ia ka “Skill Medical Hub” ha West Garo Hills District ha Babadam

Shillong, Nailar 30: U Myntri Rangbah ka jylla u Conrad K Sangma la ong ba ka jingialang ka kabinet kaba la long mynta ka sngi kila pdiang ia ka “Skill Medical Hub” ban tei ha West Garo Hills. Ia kane ka skhim la pynwan dur ha u snem 2020 bad ka jingthmu ka long ba ki nongtrei ha ka tnad ka koit ka khiah jingioh ia ka jinghikai ban pyntbit kyrpang.

Kane ka jaka ai jinghikai kan long kaba heh bha bad ka jingjied ia ka West Garo Hills ka long namar ba ka tnad ka sorkar pdeng ba peit ia ki rit paid ha ka Ri India ha dien ba kala peit bniah kala shem ba dei tang ka West Garo Hills District kaba la dei ban ioh ia ka jingbei pisa.

Kane ka jaka ai jinghikai kaba kin sdang pyntrei ka sorkar kala pynkhreh ban shna ha ka jinglut kaba T.282 klur tyngka, hynrei ha dien bala khien da ka tnad ba deipeit ia ki rit paid ka sorkar pdeng kala ai noh T.151.95 klur bad ia ka sorkar jylla kahap ban bei 10% na ka jinglut ia kane um tei ha Babadam ban sdang ia ka jingtrei ha katei ka por, hynrei mynta la shah ia baroh ki District ba kin ioh ia kum kane ka jaka ai jinghikai.

Kane ka jaka ka ngiam haduh 2500 ngut ki samla pule, kane kan don ia ki iing sah jong ki samla pule, kan don ia ka Pharmaceutical collage, Paramedical College, bad kawei ka jaka ai jinghikai kyrpang bad kin don ki Hostel na ka bynta ki samla pule bad kane kan long ka jaka pule ba heh tam ha ka dong shatei lam mih ngi ka Ri India.

Ka sorkar pdeng kala dep ban pynlait ia ka pisa bans dang ia ka jingtrei bad ia ka jingtrei un pyntrei da ka kompeni ka sorkar pdeng ka EPI Engineering India Limited, ia kane la jied ha dien ba la dep ban khot ia ka tender ki don kiwei ruh ki kompeni ka sorkar pdeng kila thep hynrei kaba thep dune eh dei ka EPI kompeni.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet