New Delhi, Naitung 18: ka Kabinet Kommittee ha kaba ia dei bad ka ioh ka kot jong ka sorkar pdeng kaba la pyniaid da u myntri rangbah duh jong ka Ri India mynta ka sngi kala shim ia ka rai ban dang beteng ia ka Pre-Matric Scholarship, Post Matric Scholarship na ka bynta ki samla pule kiba dei na ki rit paid.
Ka jingpynlut jong ka sorkar pdeng na ka bynta kane ka shim ha kine ki lai snem 2017-18, 2018-19 bad 2020 kan long T.5338.32 klur tyngka. Ki samla pule kiba dei ban ioh ia kane ka jingmynta kaba ka sorkar pdeng kala ai kin long haduh 70 lak ngut ha baroh 29 tylli ki jylla ha ka Ri India bad ki Union Territory.
Ki samla pule kiba dei ban ioh ia kane ka jingiarap kaba ka sorkar kala mang ki dei ban long kiba pule ha ki jaka pule jong ka sorkar, lane ha kino kino ki jaka pule kiba la ithuh da ka sorkar bad kane ka jingmang pisa ka long katkum ka khanasamari jong u snem 2011.
Na ka bynta ka Pre-Matrik Skolarship ka jingioh ki kmie ki kap ki dei ban long hapoh ka shilak tyngka ha ka shisnem bad na ka bynta ka Post Matrik Skholarship ka jingioh ki kmie ki kpa ka dei ban long hapoh jong ka T.2.00 lak tyngka ha ka shisnem. Ka jingsiew ia kane ka jingiarap ka iapher na kawei ka klas sha kawei ka klas. Ki kyndon baroh kila don bad ki sorkar jylla bad ha ki Union Territory.
