Shillong, Risaw 06: U President ka party UDP u bah Metbah Lyngdoh mynta ka sngi u la pynbna ba ka party kala shim ia ka rai ban ai ka jingkyrshan ia u bah Pyniaid Syiem kyrtong ka NPP na 13-Mawryngkeng (ST) Assembly Constituency.
Haba kren ha ki lat pathai khubor mynta ka sngi u bah Metbah u la ong ba kane ka rai ban kyrshan ia u bah Pyniaid MDC bad u Chairman ka KHADC ka long karai kaba la shim hapoh jong ki nongkyrshan jong ka party na Mawryngkneng konstitwensi ia kaba la pdiang da ka party baroh kawei.
Haba phai pat sha ka 47-Rajabala Assembly Konstitwensi ka party kala shim ia ka rai ban pynieng ia u Ashahel D Shira kum u kyrtong jong ka party bad u ba dei ruh u MDC ba mynta hapoh jong ka GHADC, bad u la long ruh u MLA barim katei ka jaka.
Haba ia dei bad ka 24-Mawphlang (ST) Assembly Konstitwensi u bah Matbah u la ong ba ka party kan trei shitom ban pynthikna ba u kyrong jong ka party u Eugeneson Lyngdoh un jop na katei ka konstitwensi.
Ha ba ia dei bad ka jingbuh kyrong ka NPP na Mawphlang u bah Met u la ong ba kane ka dei ka rai jong ka NPP ym lah ban ong ei ei namar ka ilekshon ka shong ha ki party ban rai ban buh kyrtong ne em, hynrei na ka liang jong u u president ka NPP u la kren shai ba kin trei shitom ban ioh bat biang ia kane ka Konstitwensi
