Jowai, Nailur 14: ka Kiang Nangbah Government College ka la rakhe ia ka sngi lyngkhuh snem kaba 47th ia kaba la tip kum ka Foundation Day. Kane ka College mynta ka la don haduh 2924 ngut ki samla pule, na kine 1864 ki pule ha ka por mynsing bad 1063 ki pule ha ka por step.
Ha ka jingkren jong ka myntri kampoh iing jong ka jylla ka kong Roshan Warjri kum ka kongsan ha kane ka sngi ka la ai ka jingiaroh ia ki nong seng ia kane ka college bad baroh kito kiba la ia don bynta ha kaba pyneh pynsan ia kane ka jaka pule.
Haba ia dei bad ki jingjia ha kine ki sngi ha ka jylla na ka liang jong ka myntri kampoh iing ka la pynpaw ia ka jingsngew diaw ka jong ka bad ka la kyntu ia ki samla pule ba kin trei shitom ha kaba ki lah ban ieng ha la ki jong ki kjat. Ka la ong ba ki samla ki dei ban pyrkhat na ka bynta kaba bha ban lah ban kynitew ia ka jylla ha kiba bun ki liang.
Kiwei ki heh sorkar kiba la don lang ha kane ka sngi ki long u Bah HG Lyngdoh SP Jong ka West Jaintia Hills, bad shibun kiwei kiwei ki heh sorkar bad ki nongialam ba la rimjong kane ka college ki la ia don lang ha kane ka sngi.(SP News)
