Shillong, Nailur 18: Mynta ka sngi ka seng ki long kmie jong ki shipai Border Security Force (BSF) ka BSF Wives Welfare Association (BWWA) kaba 32 la rakhe ha Umpling ha ka jingialam jong ka Kiran Singh ka President kaba shipor.
Ia kane ka sngi burom ka seng ki long kmie jong ki kurim ki shipai BSF ka BWWA, kane ka seng ka long ban peit ia ka bha ka miat jong ki kyntthei kiba dei ki kurim jong ki shipai BSF, ha kane ka sngi kila ia kren ia ki jingdon bad ki ia mir jingmut ia kaei kaba ki shem.
Ka BWWA ka dei kaba la register hapoh ka society jong ka Registrar of Societies ha Delhi ia kaba la seng ha u snem 1992 ka jingthmu ka jong ka long ban peit ia ka bha ka miet jong ki long iing long sem ki shipai BSF. Kane ka kynhun ka long ruh ban peit ia ki shipai BSF kiba la len lade ban aiti iala ka jingim ban iada ia ka ri da kaba kyntiew ia ka ioh ka kot jong ki long kmie.
Ha kane ka sngi la don shibun ki jingialehkai ban pynbyrngi ia kiba la wan ban ia shim bynta da ki jingshat jong ki khynnah, ha kane ka sngi la sam ruh ia ki jingai sngewbha sha kito ki long kmie kaba ki kurim jong ki kila pha ia la ka jingim namar ka Ri.
