Ampati, Nailar 12: Ka sngi jong ki samla na ka ri nongwei kaba la tip ha ka ktien Khasi ka International Youth Day 2026, la rakhe kmen ha MFC BADO Building, Ampati ha ka sngi balang, da ki khynnah skul, ki samla, ki nongtrei sorkar bad ki riew rangbah ban pynpaw ka jingdonkam ki samla ha ka roi ka par.
La pynlong da ka District Sports Office, South West Garo Hills, Ampati bad ka phang hangne ka dei shaphang ka “Youth Advancing Multilateral Cooperation through Technology and Partnerships,” kaba mut ka jingthmu hangne ka long ban ia tylli lang bad pynshlur iaki samla da ki sap bad ki lad kiba thymmai lyngba ki teknologi.
La sdang ia katei ka jingrakhe da ki kyntien pdiang na u G.R. Marak. Ka Kular (Nasha Mukt) na ka Zanera R. Marak, ha kaba kala kular iaki samla ba kin kiar na ki jingsniew bad ki drok.
Katba u kongsan ha katei ka jingrakhe dei u Dr. W.C.R. Marak, ADC bad u la kyntu iaki samla ban pyndonkam iaka bor bad ka stad teknologi ban pynbha iaka imlang sahlang.
U Dr. Johnstellon Ch. Marak bad ka Tesilchi Ch. Sangma kila batai halor ka roi ka par ki samla bad la ioh iaka jingrwai bad jingshad da u Praidi B. Marak, Medha Arengh bad ka Dikki Swara Band Group, ha kaba kila pynlong iaka sngi kaba itynnad da ki rwai tynrai bad la ioh iaka jingiathuh khana na u Raksrang Arengh ha kaba u la iathuh ia la ka jingleit sha Malaysia ban pynshlur ia kiwei pat ki samla.
