Shillong, Kyllalyngkot 22: Kum shibynta ban kyntiew ia ka pule puthi ki Higher Secondary School hapoh ka jylla, katkum ka jingdonkam ka juk lyngba ki bor Technology ha ka 22 tarik u Kyllalyngkot, 2025, ha Soso Tham Auditorium.
Ka tnad Information Technology ka sorkar jylla ha ka jingiatrei ryngkat ka Ophis ka Deputy Commissioner, East Khasi Hills District ka la pynlong ia ka jingsam Android Tablet ne ka MTAB ia 15 ngut ki khynnah pule ka Class XI jong u 2023-24.
Ha katei ka sngi la ia donlang da ka Dr Mazel Ampareen Lyngdoh, Myntri ka koit ka khiah bad ka tnad information and Public Relation kum ka kongsan, ka Kong Rosetta Mary Kurbah, IAS, Deputy Commissioner ka East Khasi Hills District, u Pravin Bakshi, IAS, Commissioner and Secretary ka tnad IT, ki nonghikai ryngkat ki khynnah skul nalor kiwei kiwei de.
Haba ai jingkren ka Dr Ampareen ka la ong, ba ka jingsam ia ka MTAB ka dei ban ai jingiarap sha ki longïing kiba duna ka ioh ka kot bad haba bynrap ia kane ka la ong ruh ba ka Smart mobile ka lah ban wanrah jingpynkhiewin kumta ka kyntu ban pyndonkam hok ia ka MTAB.
