Shillong, Iaiong 04: Ka tnad elekshon jong ka sorkar jylla kala sdang ia ka jingthep vote na iing na ka bynta ki tynmen ki kro ka jylla kiba kwah ban thep ia ka vote jong ha iing.Kane ka jingthep vote kala sdang mynta ka sngi haduh ka 13/Iaiong/2024.
Ha North Garo Hills District la sdang mynta ka sngi ia kane ka jingthep vote na ing ia ki tynmen ki kro bad kane kan bteng haduh ka 8/Iaiong/2024, ha kaba ki ophisar ka tnad elekshon ki hap leit sha iing ban phah thep ia ka vote.
Ha West Jaintia Hills District hapoh ka 7-Amlarem Assembly Konstitwensi kan sdang kane ka jingleit ban phah thep ia ka vote ha iing ia ki tynmen ki kro kan sdang ha ka 12/Iaiong/2024 bad kan kut haka 13/Iaiong/2024 kata ka long ar sngi.
Ha South Garo kane ka jingleit ban shim ia ka jingthep vote na iing kan sdang haka 12/Iaiong/2024 bad kan kut ha ka 13/Iaiong/2024 kata ka long ar sngi. Na ka bynta kba pep thep vote kan long lai sngi ha ka 6/Iaiong/2024 haduh ka 8/Iaiong/2024
Na ka bynta ka Ri Bhoi District kan long tang ha ka 8/Iaiong/2024. Ka jingphah thep ia ka vote ia kito ki ban pep thep vote na ka bynta ka East Garo Hills ar sngi 12 bad 13/ Iaiong/ 2024 bad West Garo Hills na ka bynta ka 8 bad 9/Iaiong/2024.
