Shillong, Risaw 15: Ka General Executive Council (GEC) jong ka Seng HYC, kaba kynthup na duh ki President bad General Secretary jongki Unit, Ki Circle, Ki District bad ki Tnat Trei kam ba kynthup iaka Women’s Wing ha ryngkat ki dkhot kiba rim jongka Central Executive Committee jong ka Seng, kaba la long ha ka 14 tarik u Risaw, 2023 ha Shillong.
Iaka GEC ha kane ka sngi lah pyniaid da u Samla Rangbah Peter J. Lawai, Chairman ka Caretaker Body, uba long ruh u President Rangbah barim jong ka Seng ha ka jingdon ryngkat u samla Nickson Dohling, kum u Secretary ka Caretaker Body, uba long ruh u Vice-President barim ka Seng.
Ha kane ka sngi lah ioh ruh ban pynsngew ia ka Kaiphod Treikam jong ka CEC ha kane ka samoi trei kam kaba, ha katei ka jingialang la jied ruh ia ki nongkit kiba thymmai jong ka seng seng kmie naka bynta ka samoi treikam jong u snem 2023-2026.
Ha kane ka jingjied nongkit kam b thymmai u bah Roykupar Synrem u la shah jied kum u President ka seng na ka bynta kane ka samoi treikam jong u snem 2023-2026, la jied ar ngut ki symbut president u bah Donboklang Kharlyngdoh bad u bah Francis Gee Mawlong, u bah Ehembor G Saibon kum u general secretary bad ar ngut ki secretary, u Issac W Basaiawmoit bad u Lumlang Kharsyiemlieh.
Ha katei ka jingialang la jied ruh 36 ngut ki nongkit kam hapoh ka kynhun trei kam ka seng kmie, ia president ba rim u bah Robertjune Kharjahrine la thung kum u nongaibuid rangbah bad ia u bah Peter L Lawai, ia ka jingpynskhem ia ki nongkti kam kiba thymmaikan long ha ka 11/11/2023 ha Shillong, kane ka long katkum ka kyrwoh kaba la phah da u bah John N Lyngdoh pyniar ia ka seng.
