Shillong, Rymphang 10: Kawei ka khynnah samla kaba dang 18 snem ka rta ka la shah rahbor bad shah leh beijot ha ki riew runar ha ka miet 9 tarik mynta u bnai, Ia kane ka samla la pynkit noh sha Hospital na ka daw jong ka jingmynsaw.
Na ka liang jong ki pulit ki la trei shitom ban wat ia kine ki nongleh kam runar ha kaba ki la lah ban kem ia kine ki briew mynta ka sngi na ki jaka bapher bapher jong kane ka nongbah Shillong.
Kine kiba la shah kem ha ka kti jong ki pulit ki long u Helary Mynsong 18 snem, Vikram Kumar Das 20 snem bad uwei u kynnah ba la 15 snem ka rta. Kine bar0oh lai ngut mynta ki don ha kti jong ki pulit.
Ha kawei pat ka jingjia ki pulit ki la kem ruh ia ki hynniew ngut kiwei pat ki briew na Jahlupara, ka jingkem ia ki ka long ha kaba ki ia dih kyiad ha rud surok. kine kiba shah kem ki long 5 ngut ki shynrang bad 2 ngut ki kynthei.(SP News)
