Ka jingsngewnguh ia u President ka Ri India U Pranab Mukherjee

Shillong, Rymphang 7: Ka (Ka Dorbar Ki Khlieh Nongsynshar Ka Ri Hynniewtrep, Ka Federation of Khasi States, Ki Sirdarship, Ka Dorbar Ki Dolloi, ) ka pynpaw ka jingsngewnguh ia u Hon’ble President of India Shri. Pranab Mukherjee, na ka bynta ka jing phah shithi kyrpang kaba la ioh pdiang mynta ka sngi na Rashtrapati Bhavan, New Delhi, ha kaba u la kitbok kit wriang ia ka Dorbar Ri kaban long ha ka 13 Feb 2013 (copy attached)  bad kumjuh ia ka shithi na u Hon’ble Shri. V Kishore Chandra Deo, MP, Union Minister for Tribal Affairs, Govt of India, uba la pynsngew ba kine ki jingsynshar tynrai ki don la ka jong ka jingsynshar kaba kyrpang kiba ym juh kham iohi ha kiwei pat bad u kyrmen ba kin long ka nuksa ia kiwei pat ki jaidbynriew ka jing Ri India

Sah sa san sngi ba ki Khlieh Nongsynshar naduh shnong, Raid haduh Hima, ki Riew Rangbah, Longkmie, Samla, Kynthei bad Shynrang, kin ia kynduh hakhmat ka Dorbar bah ka Dorbar Ri, kaba khlem liang bad kaba khlem don ka jingsngewpher niam, naduh ka por 10 am haduh 3 pm ha ka 13 tarik Feb 2013, ha khmat Mot Tirot Sing, Mairang, Office Syiem Hima Nongkhlaw.

La kyntu jur ia baroh ki Khlieh Nongsynshar naduh Shnong, Raid haduh Hima ba kin THOH LUPA IA KA KYRTENG ki nongwan Dorbar Ri bad ban ai ha ka Reception Counter ia ka list jong ki nongwan Dorbar Ri.

Kum shibynta ban pynbeit ia ka jaka buh kali ka Reception Committee – Dorbar Ri Hima Nongkhlaw, ki la pynbeit ba ki kali baroh kin ieng ha Madan KSA Sports Stadium, Madan Mission Mairang,  Madan St Thomas Higher Sec School, Madan Mawlum Pyndenumiong, bad la kyrpad ia ki bor District jong ka West, East bad Ri-bhoi District ban iarap ban pynbeit ia ki kali heh (truck) ha kato ka sngi khnang ba kan pynsuk ia ki nongleit nongwan Dorbar Ri sha Mairang naduh 10 haduh 3 baje mynsngi.  La pyntip ruh ba ha katei ka sngi yn shah tang ia ki kali kiba don ia ka CAR PASS  Dorbar Ri ban rung sha madan Tirot Sing Field ban poi sha Office Syiem Hima Nongkhlaw.

Kito kiba kwah ban buh ia ki stall ki dei ban leit ia kynduh ban ioh jingtip na ka office Syiem Hima Nongkhlaw ha Mairang.

Ha katei ka Dorbar Ri la khot ia uwei na kawei ka Seng Sain Pyrthei (ki Political Party) National bad State ban kren lyngkot hakhmat ka Dorbar Ri ha kaba iadei bad ki kam jong ki Khasi States, ki Hima/Elaka bad khamtam halor ka IOA & AA 17 August 1948. La kyrpad ia ki political parties ban ai copy ia ka jingkren jong ki khnang ban ioh buh ha proceeding.  Katei ka Dorbar Ri ka long kaba kynthup ia baroh khlem da peit liang, bad khlem don kano kano ka jingsngewpher niam

Ka Dorbar Ri kan sa shim ia ki katto katne ki Rai bad yn sa ia kren halor ka shithi na ka National Commission for Schedule Tribes, (NCST), kaba 26 tarik April 2013 kaba la bthah ia ka tnad Ministry of Tribal Affairs, Govt of India ban pynbeit pyndep ia ki jingkular katkum ka Instrument of Accession and Annexed Agreement 17 Aug 1948, kaba la ia soi bad mynjur hapdeng ka Sorkar India bad ki 25 Hima Khasi States ha ka 17 tarik Aug 1948.

Ka Dorbar Ri kan bteng ia ka jingdawa ban pynpaw pynrung ia ka IOA & AA hapoh ka Constitution Ri India hapoh ka Article lane ka Schedule bad ban bteng ia ka jingdawa ban ioh ia ka Council kyrpang kaba khlem Party na  ka bynta ki Dorbar Shnong, Raid bad Hima hapoh ka jylla Meghalaya.

Kaba lai ka long ka jingpynsngew khia bad ka jingsngewpyrshah jong ka Dorbar Ri halor ki Ain kiba pher bapher kiba la mih na Parliament  bad na ka jylla bad kiba dei ban amend kum ka Meghalaya Transfer of Land Regulation Act 1971, ka Indian Registration Act 1908, ka Land Acquisition Act 1894, ka Forest Conservation Act 1980, ka The Mines Act 1952, ka Coal Mines Nationalisation Act 1973,  bad bun kiwei ki ain kiba long kiba ktah ia ka hok tynrai jong ka jaidbynriew bad kiba long pyrshah ia ka IOA & AA.

Ha katei ka Dorbar Ri kan don ruh ka session (ka jing ia sei ia ka nia ka jutang ) jong u khun u hajar kaba la buh por shi kynta shiteng, ha kaba la shah ia u khun u hajar ban kren hapoh 2 minit uwei u nongkren khnang ban ai lad ia kiba bun ban ioh ban kren ha katei ka DORBAR RI, namar un don nong tied baje bad u nongpeit pyrman ia ka por kren, tangba la dei ban thoh lupa ia ka jingkren khnang ban ioh buh kum ka proceeding.

Ia ki Khlieh Nongsynshar kum ki Syiem, Lyngdoh, Sirdar, Wahadadar, Nokma, Dolloi la ai por ia ki ban kren na ka jingthoh ba la pynkhreh lupa hapoh 4 Minit.

Ka Dorbar Ki Khlieh Nongsynshar Ka Ri Hynniewtrep, ka khot ia baroh ki khun ki hajar naduh Dorbar Shnong, Raid haduh Hima ban ia poi ryntih sha ka Dorbar Ri kaba Saw kaban long naduh ka por 10 AM haduh 3PM ha ka 13 tarik Feb 2013.

Ha kane ka jingiakynduh bad ki nongthoh khubor la don lang u Paiem Phrester Manik Syiemlieh, Syiem of Hima Nongkhlaw & Vice-President Federation of Khasi States, Bah Hamphrey Lyngdoh Ryntathiang, Lyngdoh of Hima Lyngiong,  Joint Secretary Federation of Khasi States, Bah Lawrence Basaiawmoit, Myntri Hima Nongkhlaw, bad Bah Spiton Kharakor, Adviser, Killing Dorbar(Ri-Bhoi District),  (SP News)

 

 

What Next?

Related Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet