Shillong, Nohprah 05: Ka tnad shna iing jong ka sorkar Meghalaya PWD (Building) kala pynkhreh mynta ban shna ia ka iing sah jong u Lat ka jylla Danagre ha Tura ha West Garo Hills District.
Kane ka sorkar Meghalaya Democratic Alliance (MDA) kala shim khia ba kan don ka iing sah jong u Lat ha Tura bad kala khot tender ban shna ha ka jinglut kaba T.9.93 klur tynkga bad la khot tender ruh na ka bynta kane kam.
Ka sorkar jylla ha u snem 2012 kala shim ia ka jaka ha Danagre ha Tura bad kala sdang ban phah ker kynroh ia kane ka jaka bad katkum ki jingtip kiba la ioh la ong ba ka jingker kynroh kala dep kumba 90%.
Naduh katei ka snem 2012 kane ka jingthmu ban tei ia ka iing sah jong u lat ka jylla ha katei ka jaka kala sah kut haduh mynta bad kane ka sorkar MDA hapoh ka jingialam jong u Conrad kila shim ia ka rai ban sdang tei biang ia kane ka iing jong u Lat ha Tura.
