Shillong, Kyllalyngkot 18: U rang ialehkai ba paw jong ka Shillong Lajong FC u Phrangki Buam la shim da ka FC Bengaluru United ba un ia lehkai na katei ka kynhun ha kane ka jingialehkai I-League campaign 2020.
U Samla Buam u dei u ba juh ia lehkai hapdeng bad u la lah ban thep kol haduh hynriew tylli ha kane ka jingialehkai I-League ha u snem 2018-2019 na ka bynta ka kynhun Lajong.
Ha u snem 2019, u Phrangki u la long u nongrah ia ka nam ha ka jingialehkai Shillong Premier League bad ka Meghalaya State League bad ha kitei ki jingialehkai u la lah ban thep kol haduh 24 tylli bad mynta u la shah jied ha ka FC Bengaluru United.
Na ka liang jong ka Shillong Lajong FC ka ai ka jingkit bok ia une u khlur ialehkai jong ka FC ba un dang kiew ha ka jingialehkai jong u bad ba un ialehkai bha ha kane ka 2nd division I-League 2020 campaign na katei ka kynhun.
