Umsning , Risaw 03: U myntri jong ka hima mylliem u ba dei peit ia ki kam iew kam hat hapoh jong ka hima mylliem u Bah Nongkhlaw u la ong ba na ka liang jong ka hima ka kawah ban iohi ba ia ka iew dei ban pyndon kam kumba la seng da ki longshuwa.
Ha kane ka jingwan jurip mynta ka sngi la lap ba kane ka iew la pyndon kam tang kumba shipaw ei ei, hynrei kaba bun ka iew kala kylla shrah ha kaba wat ia ki dukan ruh la kylla kum ki jaka leit sha bar kane ka long kaba I saitmet ban peit.
Na ka liang jong ka hima ka kyntu ia ki paidbah nongshong iew ba kin ia shong hapoh ka iew ka hat ban nym ia tur sha ki surok, khnang ba ki surok shnong bad ki lynti syngkieng kin kylluid bad da kaba leh kumne lah ban pynlong ia ka iew kaba khuid.
Na ka liang jong u rangbah shnong jong ka Umsning B, u Bah Rocky A Marwein rangbah shnong u la ong ba mynshuwa ia ka iew la pynlong ha madan, hynrei klet noh pat ia ka jingkoit jingkhiah, dei na kane ka daw ba ha ka por jong u Bah Rocky Kylla kum u Chairman ka Umsning Town Committee la khang noh ia kaiew.
Haba la rah ia kane ka iew sha poh iew, ki nongshong dukan kim ioh basa namar ba ki trai bas kim ai ia ki basa jong ki kane kala pynlong ia ki briew ba kin shong biang hapoh surok, kane kala buh ia ki nongshong iew ha ki dukan basa ym don nongthied namar ki briew kila ia beh na surok ban thied.
La iathuh ruh ba na ka liang jong ka Umsning Town Dorbar kila pynkhreh ia ka DPR na ka bynta ka iew kaba thymmai, lada ladep ban shna ia kane ka iew ki nongiew baroh kin leit sha kane ka iew kaba thymmai.
