Shillong, Risaw 15: Ki pulit jong ka nongbah Shillong kila pyntip ba ha ka 12 tarik mynta u bnai ki pulit kila ioh ban tam ia kawei ka met iap jong u rangbah briew hapdeng ka rta 40 bad 45 snem na madan kynjat ball ha Umkaliar Nongmynsong.
Na ka liang jong ki pulit ha dien ba kila pyndep ia ki jingdon kam baroh katkum ki kyndon jong ka ain kila rah sha Civil Hospital Shillong ban leh ia ka ba don kam. La ong ba ia ka met la buh ha Civil Hospital Shillong lada don kiba kwah ban leit peit.
La bethah ruh ia ki briew ba lada don mano mano ba tip ne ithuh kila ban phone ha kineki phone number ha rum 0364-2230402 ba dei jong ka Rynjah Police Station bad jong ka Nongmynsong police Out post 0363-2230224.
