Shillong, Jymmang 22: Ka Synjuk ki Nongshynshar Shnong ka Bri u Hynñiewtrep hynne ka sngi ka la pynlong ia ka jingiakynduh lang ia ki para nongshynshar shong na sor bad khap sor shillong. Kaba la long ha Community Hall Mission Compound.
U bah R L blah u ba long kum u Secretary kane ka synjuk ki nongshynshar shnong ka Bri u Hynñiewtrep haba kren sha ki lad pathai khubor u la iathuh ba kane ka jinglum lang ia ki para nongshynshar shnong ka long halor ka jingkhot iakren jong ka sorkar ia ki kynhun ba pher ba pher halor ka jingpyntrei kam ia ka Roster system.
Hadien ba ka sorkar jylla ka la pyntip ba ka la dep ban thung ia ka committee ba kyrpang ba la khlieh da ka Dr Ampareen Lyngdoh kaba dei ka myntri sorkar ban pdiang ia ka jingai jingmut jong ki kynhub seng ba pher ba pher, Katba ka sorkar ka dang pynsangeh shipor ia ka jingthungkam..
U la iathuh ruh ha kane ka jingiakynduh lang kane ka kynhun ka la thaw da kawei ka kommittee, ba lada ka wan ka jingkhot na ka liang ka sorkar kane ka kommittee kan sa leit ban iashimbynta ha kaba ai jingmut ia ka sorkar, kumba ka la paw ha ki lad pathai khubor ba la pynpaw da u myntri rangbah ka jylla ba ka don jingmut ban khot ia ka synjuk ki nongshynshar shnong ka bri u Hynñiewtrep.
Shuh shuh u la ong watla ka sorkar ka la thaw ia ka review committee bad lehse da ka jingdon kane ka committee, ka sorkar ka lah ban nym khot shuh ia ki, hynrei na ka liang jong ki, ki la shim ia ka rai ba kane ka committee ba ki la thaw ha kane ka sngi kan sa leit beit ban ia kynduh ia ka sorkar halor kane ka mat.
