Shillong, Jymmang 06: Ka seng HYC kala phah da ka jingthoh sha u Additional Director ka tnad khlaw ka sorkar pdeng kaba peit ia ki mrad ba dei ruh ha ka juh ka por u secretary jong ka Standing Committee jong ka National Board ban ujor ia ka jingthmu ban pyntrei iaka “Eco Tourism” ha khlaw Nongkhyllem Wildlife Sanctuary.Eco-Development Society ka Meghalaya.
Ha ka shithi kaba ka HYC kala phah sha ka tnad khlaw jong ka sorkar pdeng kala kdew ba ka Nongkyllem ka don 29 km saw dong ia kaba la pynkylla kum ka jaka sah jong ki mrad khlaw ha u snem 1981, kane ka jaka ka dei ka jaka sah jong ki 50 jait ki mrad, 25 jait ki khniang ba par na ki 140 tylli ki jaid mrad kiba la don ha ka bui katkum ka Wildlife (Protection) Act, 1972.
Ha katei ka shithi na ka liang jong ka seng kala jer kyrteng ia ki jaitmrad ki jaitkhniang kina don ha ktei ka khlaw Nongkhyllem bad ka kommittee kaba kyrpang kala phah ia ka jingai jingmut ban pynbna ia ka Nongkhyllem Wildlife Sanctuary, Meghalaya kum ka jaka bay m bit ban ktah.
Kaei kaba ka sorkar Meghalaya lyngba ka Eco-Development Society jong ka jylla Meghalaya kala khot tender ban shna ia ka “Eco Tourism Works in and around Nongkhyllem Wildlife Sanctuary” ha ka jinglut kaba T. 23.70/- klur tyngka na ka bynta ki kam shangkai pyrthei ha sawdong kane ka jaka ba don ki mrad kum ka jingkieng ba don da ka iieit, ki jaka jngi kai kine kin ktah ia ka jingdon ki syntiew ki skut bad ki mrad ki mreng.
Ka National Parks, Sanctuaries bad ki lat jingiada hapoh ka Wildlife Protection Act, 1972 ka kren shai ia ka jinglong kyrpang ka jingdon ki syntiew ki skut, ka Wild Life (Protection) Act, 1972 ka kren shai ba ka ‘eco-tourism ha sawdong jong ki jaka ba don ki mrad kam hap ha kata kaba la pynlait kyrpang na ki kyndon.
Ha ka shithi ka HYC kala dew ruh ia shibun ki rai jong ki iing bishar, ka seng ka sngew ba ia kane ka jaka ban long kum ka jaka rieh ki mrad ki mreng kiba bun jait, ki jaitsim ba bun jait bad lada shna ei ei ha kane ka jaka kan ktah ia ka jingdon jong ki marang ha kane ka jaka bad ki jait sim kiba bun jait.
Ka HYC ka kyntu ia ka ophis jong u ADGF ban pynsangeh ia kino kino ki jingtrei ha katei ka khlaw sorkar kaba kala buh kyrpang kum ka jaka sah jong ki mrad ka ban pyntrei kam da ka Eco-Development Society of Meghalaya da ka jingiatrielang bad ka
Telecommunications Consultants India Limited (TCIL) bad E-Factor Experiences Limited, Delhi ban pynsangeh shuwa ne buh teng shuwa shipor, ia kane ka shihti la soi da u bah Roy Kupar Synrem President ka seng HYC.
