Shillong, Nailur 12: U Myntri kam poh iing u bah Lahkmen Rymbui haba ai ia ka jingkren halor ka jingshah bom iap ki saw ngut ki briew kiba lait phet na District Prison bad Correctional Servie Jowai, jong ka West Jaintia Hills District.
Haba ai ia ka jingkren hapoh ka iing dorbar u myntri kam poh iing la ong ba ha ka 10th Nailur 2022, ha ka por 1.45 baje jan meit san ngut ki briew kiba la set along kila phet bad u wei u bala shah rai pynrem. Kiba la ih phet ki long u I Love You Talang, u Lodestar Tang, u Shidorki Dkhar, u Marsanki Tariang , u Ramesh Dkhar bad u Rikmenlang Lamare.
Na ka jingtohkit la shem ba ia ka phatok ha Jowai la pharah ha ki lai bynta, iaka bynta kaba nyngkong bad kaba ar la ap karod da ki khynhun pulit jong ka 6th MLP battalion katba ia ka khyrdop kaba lai la ap karod da ki nongtrei jong ka District Jail baroh kitei kiba laitpher kidon ha ka khyrdop kaba lai.
Ha ka 10th Nailur 2022 haba u nongap ka phatok u rung ha katei ka khyrdop kaba lai kitei ki hynriew ngut kila lynshop ia u nongap bad kila ioh ban mih bad phet da kaba shoh ia ki nongpa ha ka khyrdop ka ar bad kaba lai ruhkum juh.
Ki pulit haba ki iohi kane kila sait sha suin ban khanglat ia kane ka jinglait phet hynrei kila bom ia u pulit ha kane ka jingjia saw ngut ki nongtrei hapoh phatok bad u wei u pulit u la mynsaw bad na ki ar ngut la rah sha hospital ban shah sumar.
Haba ia dei bad kane la register ia ka ejahar hapoh Jowai Police Station pyrshah ia ki san ngut ki nongtrei ka phatok, u Rajesh Swer, Chamilan Kynjing, Dame Labun Sunn, u Pyndapbor Bamon bad ia u Alexius Iawram ia kine la kem baroh san ngut.
Haba ia dei bad kane ka jinglait phet ki hynriew ngut ki koidi, la pyntip sha baroh ki police hapoh jong ka Jaintia Hills bad la pyntip ruh sha baroh ki pulit station ha ka jylla haba ia dei bad kane ka jinglaiphet kitei ki koidi.
Ha ka sngi kaba bud ka 11th Nailur 2022 ki paidbah kiba don kumba san hajar tam ei ei kila beh ia ki saw ngut kitei kiba la iohphet na phatok kila ia beh ha kawei ka khlaw kaba don shnong Shangpung.
Haba ioh ia ka jingtip ki pulit kila leit sha katei ka jaka hynrei la khang lynti da ki paidbah bad ki pulit kila ia leh pyrshah ban ioh poi sha katei ka jaka bad ha kane ka jingialeh bun ki pulit kila mynsaw.
Haba la poi sha jaka ki pulit kila ioh ban rah ia ki saw ngut kiba la mynsaw na katei ka jaka sha Civil Hospital bad haba la poi sha Hospital la pynbna ba kila iap, kine ki saw ngut ki long u I Love You Talang, u Lodestar Tang, u Shidorki Dkhar, u Marsanki Tariang ia ka met jong kine ki saw ngut la buh ha Civil Hospital ha Ialong, katba u Ramesh Dkhar, u Rikmenlang Lamare bad ki pulit ki dang thwet ia ki.
La bthah ia u Additional Superintendent ki pulit la thung ba un tohkit ba kumno kine ki hynriew ngut ki koidi ki ioh ban phet na phatok bad u District Magistrate u la bthah ia u P K Boro MCS ban tohkit da ka Judicial Inquiry halor kane ka jinglait phet ki koidi bad ia u MA Challam la thung ia u ban tohkit halor ka jingkhlad jong ki saw ngut ki koidi kiba la iohphet na phatok.
