Mumbai, Jymmang 3: U aktor-nongsaindur ba tbit bha u Aamir Khan u khring ia ka jingieid namar ki jingai jingmut jong u ba shemphang jong u halor ka ‘Ka Art of Acting’ ba la ai na ka rynsan jong ka Creatosphere ha ka WAVES 2025 mynta ka sngi. Ka jingai jingmut ka wan na ka jingshemphang jong u la bun bun snem ha ka kam shna phlim kumba ong uneu aktor ba la rim bha, “Ngam dei u aktor ba la shah hikai. Nga la kwah ban leit sha ka National School of Drama, hynrei ngam lah. Nga la shimia ki jingai jingmut ba don ha ka lynti, kiba la treikam na ka bynta jong nga.”Haba kren shaphang ka lawei jong ka jingshna phlim, u Aamir Khan u la ong, ba ka
teknoloji Al ka la pynlah ban ring phlim khlem ka jingdon u aktor! Ka Al bad ka teknoloji ka lah ban pynrung ia u Actor hadien ha ka jingring phlim.
Ka kam kaba nyngkong eh bad kaba kongsan tam na ka bynta u aktor ka long ban
rung ha ka jingmut jingpyrkhat jong u nongak, la ong une u aktor uba tbit bha uba ha kine ki snem u la ai sngewbha ia kiba bun ki jinga ak kiba sah jingkynmaw sha ka kam
shna phlim jong ka India. Bad kumno u sngewthuh bha ia ka jinglong jong ki briew ba u pyni? U aktor ba aiti lut u ong, “Nga pynlut por shibun bad ki script. Nga pule ia ka script bunsien. Lada ka script ka long kaba bha, phin sngewthuh ia ki briew ba phi iohi,
ia ka jinglong jong u, ka jinglong bad kiwei ka ban kin mih na kane”. Nalor kata, ki jingiakren shaphang u nongthoh bad ka khana bad u director ruh ki ai jingmut.
Da kaba pynshai ia ka jingtrei shitom jong u, u Khan u la pynpaw, “Nga don ka
jingkynmaw kaba tlot. Kumta, nga thoh ia ki dialogue. Nga shim shwa ia ki jingak kiba
eh. Dei ban kynmaw lyndet ia ki jingiakren. Ha ka sngi kaba nyngkong, nga peit ia ka.
Nga leh ia ka man la ka sngi haduh 3-4 bnai, bad nangta na sngew iajan bad ka.
Ki jingiakren kidei ban long ki jong phi. Phi hap ban sngewthuh ia ka. Ha ka por ba thoh ia ka kadei jong u nongthoh script hadien ka kylla long ka jong phi. Haba phi ban ia
kajuh ka lain, phi sngewthuh, phi lah ban leh ia ka ha kiba bun ki rukom.
