Shillong, Lber 27: Mynta ka sngi u MLA jong ka congress u Saleng A Sangma na 56- Gambegre haba kren hapoh ka iing dorbar thawain ka jylla la ong ba u khaw bala sam sha ki long iing kiba duk um idei shuh u khaw.
Na ka liang jong u Saleng u la ong ba dei ban da peit bha namar kane ka long ka jingma ia ka koit ka khiah ki pidbah namar u khaw ba la sam sha ki paidbah ym idei shuh u khaw bad u la rah ruh ia u khaw ban pyni hapoh ka iing dorbar.
U Saleng la ong ba un buh ia u khaw ha khmat ka iing dorbar khnang ban dup lah ban leh ei ei ban peit ia u khaw ba la sam sha ki paidbah lyngba ka FCI dei ban da peit bniah, haba ia kren ia ka koit ka khiah kane ruh ka dei kawei na ki jingma ia ka koit ka khiah dei ban da phah peit bha.
U MLA jong ka 56-Gambegre la ong ba kane ka jingpeit bniah kam dei tang ia ka bam hynrei wat ia ki dawai ruh namar ha ki nongkyndong ym don ki dukan dawai kiba biang kane kan buh ia ka jingeh ia ki paidbah.
U la ong ba u don ka jingsngew ia kiba duk ba rangli bad kane ka ktah ia kiba duk hato kin siew ia ka bailight ne kin thied khaw, na ka liang ka sorkar ka hap ban wat ki lat ki lynti kumno ban iarap ai ki long iing ba duk ha ka jylla.
