New Delhi, Naitung 31: U Myntri Rangbh duh jong ka Ri India ha ka jingkren jong u lyngba ka ‘Mann Ki Baat” kaba 91 ka long kyrpang namar ka Ri India kan sa rakhe ia ka jinglaitluid jong ka jingdap kaba 75 snem ha kaba baroh yn sa sakhi lang ia ka sngi sah kynmaw.
Ha ka jingkren u myntri rangbah la ong ba ha Meghalaya haba sdang mynta u bnai kala don ka jingleh burom ia u nongialeh laitluid na Meghalaya u Tirot Sing Syiem ha ka sngi iap kaba 189 snem.
U Myntri Rangbah duh jong ka Ri India u Narendra Modi lyngba ka “Mann Ki Baat” la ong ba u Tirot Sing u la ia khun pyrshah ia ki phareng kiba kwah ban synshar ia ki lum Khasi bad ban pynduh pyndam ia ki riti dustur ha kine ki bynta jong ki lum Khasi.
Ha kine ki sngi kiba la dep la pynlong ia ka jingrakhe ia ka Azadi Ka Amrit Mahotsav, kum ka jingpynkhreh ban rakhe ia ka jigndap 75 snem jong ka Ri India ia ka jinglaitluid na ka kti jong ki phareng, la pynsngew u myntri rangbah duh ka Ri lyngba ka “mann Ki Baat”.
