Shillong, Jymmang 30: Kakynhun Awaken India Movement (AIM) State Council, kaba la ïalam da u Chairman bah Banshai Marbaniang bad u Secretary Bah Churchil Syiemlieh, ka la aiti ia ka dorkhas sha u Chief Secretary ka jylla U Bah D. P. Wahlang, ba shah byrngem ban weng kam ia ki nongtrei Aganwadi bad ki nongiarap bym pyniasoh bad u Aadhaar.
Ha ka dorkhas bala ai sha u Chief Secretary kila ai lang ruh ia ki jingthoh kaba kila phah sha u bah Paul Lyngdoh myntri ba dei peit jong katnad Social Welfare, kumjuh ruh sha u Principal Secretary, Commissioner Secretary bad Director jong katnat Social Welfare ka Sorkar Meghalaya.
Kane ka long ban pynpaw ia ka jingpyrshah jur ïa ki jingbthah ba dang shen naka tnad Social Welfare da kaba la byrngem ban pynkut da kaba beh noh ïa ki nongtrei Anganwadi bad ki nonmgiarap ki bym shym la pynrung kyrteng bad u Aadhaar.
Ka dorkhas kala kdew shai katkum ki artylli kimat jingpynbna kaba la mih napoh ka tnat treikam jong ka Social Welfare Department ba dang shen lyngba ka shithiNo. SW(S) 34/2025/Pt./26, dated Shillong, 1st May 2025, and Letter No. SW/CW/ Aadhar.Campaign/2025/2401-2446, dated Shillong, 20th May 2025.
Lyngba kine ki shithi la pynmih ia ka jingthoh kumba la kdew lyngba ka tnat sorkar ia kakyntien “Ka bymlah ban long” ia ki nongtrei bad ki nongiarap jong ka Anganwadi ban treikam khlem ka jingpynrung kyrteng Aadhaar bad la byrngem jur iaka jingpynkut da kaba ynkyntait noh ia kito ki bym kwah ban pynrung kyrteng, da kaba kynnoh ba ka jingbymkohnguh ka pynthut ia ka jingaijingshakri sha ki nongioh jingmyntoi.
Ka AIM Meghalaya State Council ka pynskhem ba kum kine ki jingbthah ki long kiba ïapyrshah beit ïaka rai ba kongsan jong ka Supreme Court halor u Aadhaar, kaba pynskhem ïa ka jinglong mon sngewbha jong ka jingpynrung kyrteng Aadhaar na ka bynta kiba bun ki jingthmu.
Ka AIM kala kdew ba ka apex court, ka la rai baymlah ban pynlongain ia u Aadhaar, naka bynta baroh ki skhim ne ki jingshakri, khamtam ha ki jylla kumka Meghalaya, ha kaba ia ki jaitbynriew riewlum, la iada katkum ka Sixth Schedule jong ka riti synshar kari India.
