Shillong, rymphang 26: Ki pulit jong ka Madanriting kila ioh ia ka jingujor na ka kong Pried Nongrum ba ha ka 21 tarik mynta u bnai la don ba leit bret ia ka met jong I khyllung ba dang kha ha jan painkhana jong ki nongshongwai jong ka.
Na ka liang jong ki pulit kila register mukotduma halor kane ka jingujor , ha dien ba ki pulit kila pyndep katkum ki kyndon jong ka ain la rah ia ka met jong I khyllung sha NEIGRIHMS ban pyndep ia kaba don kam, ia kane ka met la buh ha katei ka hospital.
Na ka liang jong ki pulit kila ong ba lada don mano mano ba tip ha kaba ia dei bad kane ka jingleh sang lehma kin pyntip sha ki pulit jong ka Madanriting police station ha une u numbor, 9863066751.
