Yn nym leit die jhur ha ka 8 tarik ha Iewduh namar ka jingialang HFU:Commander

Shillong, Naitung 06: Ki dkhot jong ka Hill Farmers Union central body bad na ki unit bapher bapher ki la shim ai ka rai ban nym leit die jhur sha iewduh ha ka 8 tarik mynta u bnai namar ba kin hap ban leit sha ka jingialang ha ka 8 tarik mynta u bnai ha ka por 10.30 baje mynstep ha Khasi National dorbar Hall Mawkhar ban iakren halor ka jingot kilo be-ain ha iewduh bad kiwei ki jaka ha Ri Khasi Jaintia.

Na ka liang jong ki Unit ki la kyrpad ia baroh ki nongrep ha man la ki shnong ba kin wan ban iashim bynta ha kane ka jingialang jong ka HFU bann iakren halor katei ka mat kaba kongsan kaba la ktah bha ia ki nongrep ka jylla baroh kawei.

Na ka liang jong u President jong sengkmie u la pyntip ba na ka liang jong u Mytnri ka tnad ka rep ka riang u la pyntip ba u kwah ban iadon lang ha katei ka jingialang jong ki nongrep bad na ka liang jong ka seng ka pdiang sngewbha ia u bad ka kyrmen ba yn lah ban leh ei ei halor kane ka jingeh ba  ki nongrep ki iakynduh kata halor ka jingot kilo be-ain ia ki mar rep.

Na ka liang jong ka seng ka khot sngewbha ia baroh ki nongrep, ki nongri jingri bad baroh kiba don bynta ha ka rep ka riang ba kin wan ban iashim bynta ha kane ka jingialang kaba la pynbeit da ka HFU ha Mawkhar Dorbar hall ha ka por 11 baje mynstep.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet