Shilllong, Nailur 02: u bah Davis Lyngdoh state secretary ka All India United Forum of Bank Union jong ka jylla Meghalaya u la ong ba ki nongtrei bank ha ka jylla Meghalaya kin ia shim bynta lang ha ka jingiakhih ba la khot da ka United Forum of Bank Union kaba dei ka seng kaba kynthup ia baroh ki nongtrei bank.
U bah Davis haba kren ha ki lat pathai khubor u la ong ba kane ka kynthup ia baroh ki nongtrei kiba trei ha ki bank kane ka jingiakhih kan long ha ka 18/Nailur/2026 kan bud sa ha ka 28,29 bad 30 tarik u Nailur 2026 bad hadien kata kan sa don ka jingsangeh trei kam kaba khlem buh por naduh ka 26/Risaw/2026.
Ka jingiakhih sangeh trei kam ka long halor ki ar tylli ki daw kiba kongsan, kaba nyngkong ki dawa ban don noh ka jingtreikam kaba tang san sngi ha ka shi taiew bad ia kane la iakren naduh u snem 2020 hadien kata kala don ruh ka jingiakren hapdeng ki nongtrei bank bad ki nongpyniaid ia ki bank kata ka long ban ia pynbeit ia ka jingsiew ia ki tulop halor kane ha u snem 2024 ki nongmihkhmat ia ki bank kila mynjur ban iatrei noh tang san sngi.
La iathuh ba ka jingkhot ia kane ka jingiakhih da kaba sangeh treikam la ong ba kala don ka jingjia mynta u bnai, kumba ka long ki bank ki pdiang ia ka pisa ba wan thep ki paidbah bad ia ka pisa ki ai ram kata ka long haba ki wan thep pisa ki siew ia ka sut bad haba ki shim ram phi hap siew ia ka sut.
ki nongtrei bank ki ioh ia ka jingmyntoi na ka sut kaba ki shim bad kata ka iapher na kawei ka bank sha kawei pat ka bank hynrei ka jingioh ka long man ka 15 sngi, ka daw kaba kongsan hi ka dei halor kitei ki ar tylli ki jingdawa ba ki sa khot ia kane ka jingsangeh trei kam.
