Shillong, Naitung 25: Mynta ka sngi ka la don ka jingialang paidbah hapoh Dinam Hall, Jaiaw ban pynpaw pyrshah ia ki kam batbor ia ki kynthei khynnah namar kumba ka long mynta ka jyllei sha ba palat. Ha kane ka dong shatei lam mih ngi jong ka Ri India bad ha kane ka jylla Meghalaya.
Ha kane ka jingialang la dawa ba ka sorkar ka dei ban pynshitom tyngeh ia ki nongleh beijot ia ki kynthei la ka long ha ka rukom ka jingshah bat bor ne ka jingkhaii ia ki ne kano kano ka rukom kaba ktah ia ka long kynthei
Ka jingialang kaba la long ha kane ka sngi ka kyntu ia ki bor sorkar bad ia ki nongialam niam bad ia ki balang baroh ba ki dei ban kren bad pyrshah ia kum kine ki jingjia kiba ktah ia la long briew man briew.
Na kane ka jingialang ka la mih ka rai ban daw na ka sorkar ba ka dei ban thung ia ka commission kaba kyrpang ban lum ia ki jingujor bad ban pynsted ia ka jingbisahr ban pynshitom ia ki nongleh kam sniew.
Ka sorkar ka dei ban pynrung ia ki jinghikai ha kaba ia dei bad ka shongkha shong man ha ki skul ba ki samla pule kin sngewthuh ia kane ba kane ka dei ka kam kyntang um ban ia lehkai.
La kyntu ia baroh khlem da khien na kano ka jaid ne kynja ne kano ka niam ne jaid bynriew dei ban ia treilang ban rat ia kane ka jingsniew kaba don ha ka imlang sah lang, kiba la kren ha kane ka jingialang na pdeng ki riew rangbah ki long u Rev. Dr. J. F. Jyrwa, dkhot jong ka Committee on Ecumenism, Gender and Youth (EGY), Christian Conference of Asia (CCA), u Nobo Kishore, CEO, Centre for Social Development (CSD), Imphal bad u Secretary, North East Dialogue Forum (NEDF), ka kong Irene Hujon, President, Civil Society Women’s Organisation (CSWO), ka kong Priscilla Kharnaior jong ka Synjuk ki Seng Kynthei, Shillong Archdiocese, u Bah Joe Lamare, President, Meghalaya Youth Foundation, representative from Women’s College, u Rev. Dr. P.B.M. Basaiawmoitbad shibun kiwei ki nongialam ba paw ha ka imlang sah lang.(SP News)
