Shillong, Iaiong 16: U Myntri rangbah ka jylla u Conrad K Sangma mynta ka miet u la iakynduh ia ki nongialam ka Khasi Authors Society ban pynsngew sha ki ia ka rai jong ka Kabinet ba nalor ka ktien phareng kan bteng kum ka ktien sorkar bad ia ka ktien Khasi bad Garo ruh mynta la ithuh ba kan long ka ktien sorkar ha ka jylla.
Haba pynsngew sha ki nongialam ka KAS ia kane ka rai u myntri rangbah ka jylla u la ong ba karai kaba kila dep ban shim hapoh ka iing dorbar thawain ka jylla ban pynrung ia ka ktien Khasi bad garo ha ka khyrngit kaba phra jong ka rit synshar ka Ri India.
Kane ka rai kaba la shim mynta ka sngi ka long banphah ia ka khubor kaba shai sha ka sorkar pdeng ba ka sorkar pdeng ka dei ban kyntiew ia ki ktien jong ki rit paid da kaba pynrung ha ka khyrngit kaba phra ka riti synshar ka Ri India.
La ong ba ka jingdawa ban pyntung ia ka ktien Khasi bad Garo ha ka khyrngit kaba phra kala long la slem bah bad kum juh ban ithuh kum ka ktien sorkar hala ka jong ka jylla bad ia kane ka cabinet mynta ka sngi kala shim ia ka rai, la ong u myntri rangbah ka jylla.
Kane ka dei ka rai kaba don kam bad ban pynurlong ia ki jingkam kan shimpor haduh ban da pynbit pynbiang, la iathuh ba ha ka dorbar synrai ban sa long ha ka iing dorbar kaba thymmai ka jingiakren kan long da ka ktien la jong kata Khasi bad Garo.
U myntri rangbah ka jylla u la pan ia ka jingkyrshan na ka KAS ha kaban shna ia ki rule ban pyntrei kam ia kane ka rai kaba ka cabinet kala shim mynta ka sngi bad kane kan dang pynkhlain ban dawa ban pynrung ia ka ktien khasi bad Garo ha ka khyrngit kaba phra jong ka riti synshar ka ri.
U myntri rangbah ka jylla u ai ka jingkhublei ia ka KAS kaba la shim khia ia kane ka kam bad ia kaei kaba ki paidbah ki kwah la lah ban pynurlong myta ka sngi, ia kaei kaba ka The Khasi Authors Society bad ka Achik Literature Society kila sdang ia ka jingdawa ka jong ki kumba ka lonbg mynta ba la lah ban pyntyllun sha khmat, ha kane ka jingiakynduh la don lang ki symbut myntri rangbah ka jhylla u bah Prestone Tynsong and Sniawbhalang Dhar.
