Shillong Jymmang 25: U Pa,im Alban Federick Syiem mynta ka sngi ka 25 Jymmang,2026 u la shimti kum u Syiem ba shipor ka Hima Mylliem hadien ba ka District Council ka la thung ia u ban long u nongpeit ba shipor ia ka Hima Mylliem ha ka 22 tarik Jymmang, 2026.
Ha kane ka sngi, ba wan ban shimti ia ka khet Syiem ka Hima la pynspong ha ka kamra treikam kum u Syiem da u Lyngdoh ha ka jingiadonlang ki Myntri bad ki bakhraw jong ka Hima ha kaba ka la don ka jingiakynduh bad ki Myntri.
Hadien ba ladep ia ka jingpynspong ia u Paiem Alban la wan ialam sha ka kamra ban shong ha ka khet bishar ha ka jingdonlang ki Myntri, ki bakhraw ki batri, ki kur ki jait bad ki bahaiing hasem ki paralok parajor ban sakhi lang ia kane ka jingshimti ia ka khet kum u Syiem ba shipor ka Hima Mylliem.
Haba kren sha ki lad pathai khubor hadien ba la shimti ia ka khet, u Paiem Alban ula ong ba mynta ka sngi un sa thaw ia ka Executive Dorbar ban peit ia ka Hima bad u kular ban ai ka jingsynshar kaba khuid bad ula iathuh ba kane ka jingialeh ka ladei naduh u snem 2021 ba ula ai ia ki kot ki sla bad mynta u la shah thung kum u Syiem ba shipor ka Hima Mylliem.
Haba jubab ia ka jingkylli kaba iadei bad ka jingkynnoh halor ka jingbym siew ka Hima ia ki khajana sha ka District Council, u Paiem ula pynshai ba kam dei T.3000 klur hynrei kadei T. 3,24,85,20 bad kane ka pisa kadei kaba la pynsah naduh u snem 2018.
