Shillong, Nailur 27: Ka Seng Hynniewtrep People Social Organisation (HPSO) West Khasi Hills District kawei naki sengbhalang hapoh ka thain bad hapoh jong ka Bri U Hynniewtrep kadap da ka jingsngewbhia kaba jur haduh katta katta haba kat nangmih ki sngi ka la nangkhlain ki jingjyllei ki kam sniew hapoh ka jylla baroh kawei.
Tang namar ba ka Sorkar kam lah ban pyntrei ia ki ain ki kanun kiba khlain kiba lah ban pynpeit mat ia baroh ki nongleh kam sniew hapoh ka jylla. Ka Seng Hynniewtrep People Social Organisation (HPSO) West Khasi Hills District ka la pynrem jur ia u Donbok Rynthathiang uba napoh ka Shnong Nongryngkew Mawshynrut West Khasi Hills District halor ka jingdonkti ban leh bei-jot ia la ka jong ka khun ruit kaba dang 14 snem rta haduh ba kan da armet syndon na u.
Ha ka jingshisha kum u kpa ka la dei ia u ba un btin lynti ia la ka jong ka khun kaba la sdang ban jam sha ka jinglong Samla jong ka kumno ban ri ia ka burom ka ijot bad iaid ryngkat ka jingtip briew tip Blei khnang ba kan dup shem bha ha ki sngi ban wan jong ka. Hynrei une u kpa runar u shim kabu pynban ia ka jinglong ba lui lui jong katei ka khun ruit kaba dang 14 snem karta,
Ha kajuh ka por ka H.P.S.0 ka kyntu ia ka Sorkar M.U.A -11 ba kam dei ban ai jamin shuh kum ia kine ki poh jait poh rati kiba pynthohbria ia ka jait bynriew u Hynniewtrep bad ka jylla hi baroh kawei bad ka Seng Hynniewtrep People Social Organisation ka maham tyngeh lada ka lap iano iano u baleh bei-jot ka Seng kan ym map satia na ka bynta ka bhalang jong ka jait bynriew Hynniewtrep tip briew tip Blei tip kur tip kha bad ia ka jylla hi baroh kawei.
Ha kawei ruh na ka liang ka Seng H.P.S.0 ka smgewkhia shi sha ka mynsiem ia tip lem na ka bynta u para doh para snam uba ngat ha ka jingshitom shipa ha kine ki sngi ba pynlong jingiakhih jong ki 10 tylli ki Seng Bhalang halor ia Issue ILP. Namar haba leit pynkit da ki kali kit Nongpang (Ambulance) ruh shah kawangemaw ha ki riew dusmon, riew shim kabu, ynnai ia kren ia kita ki Private ne Local lei lei wat haba ki pyniia kita ki dak ne sain (Signal) ki ba biang ruh ym myntoi.
Halor kane ka H.P.S.0 ka kyntu ia u para doh para snam u ba ieit shisha na ka bynta ka ri bad ka jaitbynriew ba dei ban ialeh ym na ka bynta uba shitom shipa u bamut ban leit phah sumar ne donkam kyrkieh ha ka iap ka im. Hynrei ngi dei ban ialeh bad ka Sorkar haduh ban da jop ia ka thong ym ban shu ia dusmon ia ki mar ki mata kiba ai jingmyntoi na ka bynta jong ngi ki paitbah.(SP News)
