Shillong, Nailur 01: Ka Joint Action Committee of All Teachers’ Associations of Meghalaya (JACATAM) ka la shim ia ka rai ban ia ka jingialang paidbah jong ki nonghikai kan long ha Madan Malki ha ka 5 tarik ka sngi burom jong ki nonghikai.
U Chairman jong ka seng JACATCM u Bah ED Nongsiang u la ong ba ki iohi ia ka jingkyrpang jong ka sorkar ha ki lad pathai khubor, hynrei kam shym wan da ka jingthoh sha ki ba ka sorkar kan phah da ka jingthoh. Ia kane ka jingleh jong ka sorkar kin nym lah ban pdiang.
Ban pyrshah ia kane ka jingleh bym suidniew jong ka sorkar ka seng ka la rai ban nym ia shim bynta ha ka tei ka sngi burom jong ki nonghikai ha ki jingialang kiba ka sorkar kan pynlong. La kyntu ia baroh ki nonghikai ba kim dei ban leit ia shim bynta lada ka sorkar ka pynlong ia kino kino ki jingialang jong ka sorkar.
Ka jingdawa jong ki dkhot ka JACATCM ka long ba ka sorkar ka dei ban shimti noh ia ki nonghikai sha ka sorkar, ka jingsiew ia ka tulop ka dei ban long lang solansar ia baroh, bad kiwei kiwei de ki jingdawa hynrei kitei ki dei kiba ha khmat eh ba ki la buh. Ha ka juh ka porn a ka liang jong ka seng ki nonghikai Meghalaya Upper Primary School Teachers’ Association (MUPSTA) ki ai ka jingkyrshan ka pulra ia kane ka jingiakhih jong ka JACATCM.(SP News)
