Halor ka kaiphot ka CBI pynrem jur ka HSPO ia u Dr Mukul

Nongstoin Naiwieng 06: ka seng  Hynniewtrep People Social Organisation West Khasi Hills ka pynrem, jur ia u myntri rangbah ka jylla u Dr Mukul Sangma ha kaba ia dei bad ka jingmih khubor ha kaba ia dei bad ka jingthung kam nonghikai kumba la lap da ka tnad tohkit CBI.

Ka seng ka la kyndit bad  ban iohi lyngba ki kot khubor ha kine ki taiew halor ka khaipod jong ka central Bureau Investigation(CBI) halor ka jingdonkti ha ka jingpynrung kam lane thep kam sop sop ia ki katto katne ki nongialeh exam ha ka post assistant Teacher jong ka Lower Primary jong u Snem 2009-2010 da ki katto katne na  ki minister  jong ka sorkar ba mynta ba  la ialam da u Dr Mukul Sangma kaba la tip kum ka MUA ( Meghalaya United Alliance ).

kane ka jingleh jongkine ki nongialam da ki  katto katne na ki MLA,MDC ka pynduh ka jingshaniah ia kiba bun balang khamtam ia ka jaid bynnriew bad ia ka jylla hi baroh kawei ha kaba kum ki paitbah jong ka jylla  ki la jied shahniah ia ki ba kin long ki nongshna ain kiba peit Ia ka bha ka miat ka roi ka par ban wanrah ia ka jingsynshar kaba khuid kaba suba ban  peit ia ka khia ka shon  jong u kup shilliang u  sem  shilliang.

Phewse kumba paw mynta kine ki long pynban  da khongpong da kaba iuhroit ia ka hok jong ki paitbah khamtam ia kito kiba ialeh ia kane ka kam  nonghikai ha kaba ki la trieshitom miet bad sngi lyngba ka jingpule jong ki ynda ki leit ia wat kam lane ialeh   exam ha ba ia dei bad ki kam ba lait   ki shah kyntait noh la don kum kine ki nongialam shaei ka lawei jong ka ri bad ka jaidbynriew jong ngi kan ialam haba kumne.kumjuh ruh ka Seng ka pynrem jur ia  u myntri jong ka jylla u Dr Mukul Sangma  ha kab a  u ialeh ban da rapjot ia kaei kaba kine ki minister.

Na ka liang jong ka seng ka kwah ban ong ba ha ka jingshisha ula dei ban pynhiar shuki noh ia kine ki Minister bad lada ka long shisha kumba kaiphod na ka CBI ka paw u la dei ban phah kem mardor ia ki khnang ban wanrah ia ka synshar kaba khuid kaba suba ia ka jylla hi baroh kawei bad kan long ka burom ia ka jylla kane ka long katkum ka kyrwoh kaba la phah da u Bah  Phiradaker  Marwein Publicity Secretary HPSO West Khasi Hills District. (SP News)

What Next?

Related Articles

Leave a Reply

Submit Comment
*