Tura, Niatung 15: Ka seng samla pule Garo Student Union (GSU) ha kane ka kynti kaba mynta ka la ia khun tyngeh ban pynbor ia ka Garo Hills Autonomous District Council ba ka dei ban wanrah ia ka ain ban khanglad ia ki bym dei riewlum ban ia khun ia ka MDC election, la ong u president u Tengsak G Momin.
Haba kren ha u SP News Agency u tei u nongialam ka seng samla pule na Garo Hills u la ong ba ka seng kan sdang da ka Poster Campaign ha ka 17 tarik mynta u bnai bad ha ka 18 bad 19 tarik kin khang ia ki ophis jong ka GHADC bad ha ka 23 tarik kin pynlong da ka jingialang paidbah ha Tura.
U Momin u la ong ba na ka liang jong ka seng na ka por sha ka por ki la juhia kren ia kane ka kam hynrei na ka liang jong ka GHADC ka pynslem da kumne dakumtai da kaba ai bun kid aw. Na ka liang jong ka GSU kam lah shuh ban shu sngap mynta kan sdang noh da katei ka jinglang paidbah ban pynsngewthuh halor kane ka phang.
Kumba ka long mynta ka jylla Meghalaya ka don lai tylli ki District Council ka KHADC, JHADC bad ka GHADC bad ha kine ki District Council la iohi ba ka KHADC bad ka JHADC kam shah ia ki bym dei ki riewlum ba kin thep vote ne ban iakhun election MDC.
Na ka liang jong ka GSU ruh ka kwah ba ha GHADC ruh ym dei ban ai lad ia ki bym dei riewlum ban ia khun ia ka MDC election, lada lah ban leh ha JHADC bad KHADC kumno ym lah ban leh ha GHADC u la ong u tei u president jong ka GSU.
U President jong ka GSU u la ong ba na ka liang jong ka seng kam don kajingpyrshah ia no iano ruh hynrei ka sixth schedule ka dei na ka bynt a ban ia da kyrpang ia ki rit paid kumta ka GHADC ruh ka dei ban long ia ki riewlum jong kane ka jylla Meghalaya.(SP News)
