Ka jingiashong dorbar ha kine ki san snem ka long 118 sngi

Shillong, Kyllalyngkot  09:  Ka jingshong dorbar  ha kine ki san snem, ha kane ka iing dorbar kaba phra jong ka Meghalaya Legislative Assembly  ka long baroh 118 sngi naduh ka sngi sdang ha ka 11 tarik jong u Lber 2008 bad ka dorbar kaba khatduh kaba la long ha ka 14 tarik u Nohprah 2012.

Katkum ka  jingkhein kaba la ai noh jong ka Meghalaya Legislative Assembly, ka la pyni ba ia ka dorbar kaba nyngkong ha dien ka election la pynlong ha ka 11 tarik jong u bnai Lber 2008, kane ka dei ka dorbar kaba kyrpang ha kaba la pynsmai ia baroh 60 ngut ki MLA ha kane ka sngi.

Ha u snem 2008 ka jingiashong dorbar ka long 25 sngi, ka dorbar kaba nyngkong ka long shi sngi, ka dorbar mang tyngka ka long 19 sngi  ka dorbar synrai ka long 5 sngi.

Ha u snem 2009 pat  ka dorbar mang tyngka ka long 21 sngi, la bteng biang ia kane ka dorbar mang tyngka  ha u bnai Jylliew  kaba la neh 11 sngi  bad ka dorbar tlang kaba la neh 5 sngi baroh ka jingiashong dorbar ka long 37 sngi.

Kaba ka jingiashong dorbar  ha u snem 2010 ka la hiar sha ka 22 sngi,  ka dorbar mang tyngka ka long tang 6 sngi, ka jingpyndep ia ka jingiashong ia ka dorbar mang tyngka kaba la long ha u  bnai jylliew ka long 11 sngi bad ka dorbar tlang ka long  5 sngi.

Ha u snem  2011 bad  u snem 2012 ka jingshong  dorbar ka long  tang mar 17 sngi. Ha u snem 2011 ka jingiashnong dorbar ka long ar sien ka dorbar mang tyngka kaba la neh 12 sngi bad ka dorbar synrai kaba la neh 5 sngi.

Katba ka jingiashong dorbar ha u snem  2012 kaba dei ka snem kut jong kane ka iing dorbar kaba phra ka long ka dorbar mang tyngka ka long 11 sngi, ka dorbar synrai ka long 3 sngi bad ka dorbar tlang ka long 3 sngi.(SP News Agency)

What Next?

Related Articles

Leave a Reply

Submit Comment
*