Shillong, Risaw 02: Ka sorkar jylla ka la pynlut haduh T.20 klur na ka bynta ban thied ia ki M-TABS na ka bynta ban san sha ki 24000 ngut ki samla pule jong ka jylla kiba dang pule mynta ha ka Class XII.
Kane ka jingsam ia kine ki M-TABs sha ki samla pule Class XII ka la sdang na East Khasi Hills mynta ka sngi ha kaba na ki 11000 ngut ki samla pule ha kane ka District ki don kiba la poi ki long haduh 8000 ngut.
Ka jingai ia kane ka M-TABS sha ki samla pule ka long ban pynshlur ia ki ba kin nang ban pyndon kam ia ki kor computer kaba long kaba don kam eh ha kane ka juk kaba mynta lyngba ka internet.
U myntri rangbah u la ong ba ka sorkar mynta kan pynbiang ia ka Wifi sha baroh ki school bad ki college ha kane ka jylla ha ki jong ka sorkar bad jong ki riew paidbah kane ka long ban ailad ia ki skul ba kin lah ban pyndon kam ia ka internet.
Ha ka juh ka por u Dr Mukul u la ong ba ka long kaei kaei kaba sngewsih ban iohi ha kane ka thain shatei lam mih ngi jong ka Ri India ki company kiba pyniaid ia ki internet kim shym la ai ka jingshakri kaba biang, hynrei ka sorkar kan lah ban leh ei ei na ka bynta kane kaba ka lah ban leh ka long tang ban thoh sha ka sorkar pdeng.(SP News)
