Shillong, Naiwieng 26: U Myntri rangbah ka jylla u Dr Mukul Sangma u la kren shai kdar ba ka sorkar kan don kano kano ka jingthmu ban ia kren bad ki kynhun seng bhalang kiba ia khih ban dawa ia ka ILP ha kane ka jylla Meghalaya.
U myntri rangbah u la ong shai kdar ba kan nym don kano kano ka jingiakren ha kaba ia dei bad ka phang kaba ia dei bad ka inner Line Permit.
U Myntri rangbah u la ong ba lada ka Tenancy Bill kan long kaba lah ban the la kam ia ka jingwan tuid ki mynder ri, to kita kiba ong kin ai jingmud da kaei pat kaba lah ban leh kaba kham bha ia ka Tenancy Bill.
Ka sorkar ka la pan jingmud na baroh ki liang kumno ban teh la kam ia kane ka jingwan tuid ki briew kiba na bar, ki paidbah ki lah ban ai jingmud mynta kumno ban leh.
U la ong ba ki don ki seng sain pyrthei ha ka jaka ba kin wad ki lad ki lynti kumno ban leh ia kane ki shim pynban kum ka lad ban pynthamei ia ki paidbah na ka bynta ka jingmyntoi jong ki ha ka election.
La ong ba ka sorkar kala depkhot ia kren ia ki hynrei kim shym la sngap, na ka liang jong ka sorkar kan nym shah kem lada ki don kiba pynkhein ia ka ain. Na ka liang jong u myntri rangbah u la ong ba ia ki ei kiba jai ha kane ka nongbah Shillong dei ban kynnoh ia ki namar ki paidbah ki jynjar.(SP News)
