Shillong, Nailar 03: Ki pulit jong ka jylla mynta ka sngi dandstep ki la leit ban khynra haka shnong Mawting ha kaba ki la kem phra ngut ki briew halor ka jingkynnoh ba ki la pynbam eit ksew ia u Bah Halorsing Kharumnuid.
Katkum ka jingithuh jong ki pulit ki la ong kitei ki phra ngut ki dang dei kiba ha iing jong u Bah Halorsing bad kine ki la suba menai ksuid ia u bad ki bat ia u ha ka 30 tarik jong u bnai ba la dep bad set ia u shi jaka ryngkat ka shoh kadat bad pynbam eitksew ia u.
Kine ki phra ngut kiba la shah kem ha ki pulit ki long, 7 ngut ki dei ki shynrang bad kawei ka kynthei, bad kito ki long, Broswel Pyngrope , Elbinus Mylliemngap ,SanilMylliemngap, Rani Kharumnuid ,kong Mildret Kharumnuid, Khrawbor Kharumnuid And Johny Kharumnuid baroh na ka shnong Mawting.
Na ka liang jong u Bah Halorsing u la leit ban ujor sha ki pulit jong ka Sohryngkham ha ka 2th tarik mynta u bnai bad na ka liang jong ki pulit mynta ka sngi dangstep ki la leit ban khynra ia katei ka shnong bad ki la ioh ban kem ia kitei ki phra ngut kiba la shah ujor ha ki pulit.(SP News)
