Shillong, Jymmang 03: U Suresh Shtun u la leh ia ka kam rumnar da kaba bat bor ia ka wei ka long kmie ha dukan sha ha surok Shillong By-Pass kane kala jia ha ka miet sngi thohding ha shnong Bhoirymbong.
Katkum ki lad khubor kiba la ioh la ong ba u tei u briew u niah ia ka Trok kaba don ia u number ML 05 J 2288, bad ynda la dep leh ia katei ka kam u la phet krad da katei ka trok ban leit pynhpa dewiong sha Beltola.
Kiba haïing jong katei ka longkmie hadien ba la tip ia kane ka jingjia kila leit ban ai ia ka jingujor sha ki pulit kiba donha Khapmara, na ka liang jong ki pulit ruh kila pynsted ia ka jingthwet ia u tei u briew ha kaba ki la ioh ban kem na Shangbangla.
Na ka liang ka CSWO (I), lyngba ka Kong Christabell Wanniang, general secretary, haba la tip ia kane ka jingjia, ka la pynrem jur ia utei u runar bad dawa ruh na ki bor ka aiñ ban pynlong ia ka jingtohkit bad ban pynshitom ruh da kaba tyngeh ia utei u runar, khnang ba kiba kum kine ki jingjia kin ym jia shuh nangne shakhmat, khamtam ba katei ka Shillong Bypass ka dei ka surok bah kaba dang shen bad ba ki briew khamtam ki kynthei khynnah ha katei ka thaiñ kim dei ban shong syier namar kiba kum kitei ki jingjia kiba ktah ia ka imlang sahlang bad ka shongsuk shongsaiñ.(SP News)
