Ki bar jylla ba dei ki nongshong ba pura ka jylla Meghalaya ki dei ban kyrshan ia ka KHADC: KSU

Shillong, Naitung 31: Ka Khasi Students Union (KSU) ka la byrngem ba kan hap ban pyni hi da ka bor pyrshah ia ki mynder ri bad ki bar jylla lada ki pulit kim kem lut naphang ia kito kiba donkti ban tangon ia ki pulit Enforcement ka KHADC, khlem da map wat ia ki nongthoh khubor bad ia ki paidbah nongiaid lynti ban bom ban tied ha ka sngi thohdieng jong ka taiew baladep hajan dukan die juti ka Bata Shoes, Iewduh, Shillong.

U Bah  Daniel Khyriem, President ka KSU u ong, “ngi maham tyngeh ia kino kino ki mynder ri bad ki bar jylla kiba pyni bor pyrshah ia ki trai jylla bad ngi dawa ruh ba ki pulit ki dei ban kem lut ia baroh kito ki mynder ri bad ki bar jylla kiba donkti ban bom ban tied ia ki pulit Enforcement ka KHADC, ia ki nongpathai khubor bad ia ki riewpaidbah kiba iaid lynti.  Lada ka aiñ kam leh ei ei ngin hap ban pyni hi da ka bor.”
Lah ban kdew hangne ba ki pulit haduh mynta ki la kem tang ia u Paul Leong bad ia u khun jong u, u Kimfa Marbaniang halor kane ka jingjia, katba ia kiwei pat ki bar jylla shu rah tohkit bad haduh mynta ki pulit kim pat ioh kem satia ia kiba da donkti ban tangon khlem jingmap ia ki pulit Enforcement ha katei ka jingkhynra Trading License ha ka taiew baladep.

Ha kaba iadei bad kane, na ka liang ka KSU ka la leit iakynduh ruh markhmat ia u Bah Ardent Miller Basaiamoit, Chief Executive Member (CEM) ka KHADC ban iakren sani halor kane ka jingshah thombor jong ki briew ka KHADC ha ka sngi thohdieng.

Ka seng ka pynremjur bad kan nym lah ban ban pdiang daleilei ruh em ia kane ka jingpynibor jong ki mynder ri bad ki bar jylla pyrshah ia ki trai ri trai muluk, na ka liang jong ka seng KSU ka ai ka jingtyrwa ba lada ka KHADC ka leit ban khynra trading license ka lah ban khot lang ia ki dkhot jong ka seng ban synranlang.

Ka seng ka  kyrpad ruh ia ki bar jylla kiba dei ki nongshong shnong bapura ka Jylla Meghalaya ba kin ai jingkyrshan ia ka KHADC ha ka jingkhynra ia ka rading License.  Kim dei satia ban tieng ban smiej, namar ka jingkhynra Trading License da ka KHADC ka long ban kyndang ia ki mynder ri bad ki bar jylla kiba wan rung be-aiñ tang khyndiat por bad kiba pyrshang ban bsut ha ka khaii pateng da kaba shu rung be-aiñ khlem ka Trading License na ka KHADC,” ong u Samla Daniel.
U ong ruh ba ka Seng ka kloi ban phah synrang lang ia ki dkhot ka seng ha ka por ba ka KHADC ka pynlong ia ka jingkhynra Trading License ha kano kano ka por bad bynrap, “hynrei ka shong ha ka jingstad jong ka KHADC halor kane ka jingtyrwa jong ka Seng.”

Ka KSU ka la ai jingiaroh ia ka Executive Committee jong ka All Regional Parties Alliance (ARPA) hapoh ka jingialam jong u Bah Ardent bad ki MDC ka KHADC kiba la hiar sha ka shnong Umwang bad Sabuda kiba don ha Block-II kiba hap ha khappud bad ka Jylla Assam ban sngap ia ka sur jong ki paidbah kiba la pynsngew sha ka KHADC halor ka jingshah thombor  ha ki lehnoh kieng atiar Karbi kiba ju wan pyndik laiphewjait ia ki paid Khasi kiba shong basah ha kine ki shnong.

Une u Nongialam ka Seng u la kyntu ruh ia ka  Sorkar ba ka dei ban shimkhia na ka bynta ban pynbeit noh ia u pud u sam hapdeng ka Meghalaya bad ka Assam hynrei ym ban shu kut tang ha ka jingiakren kaba la iaid da ki snem.(SP News)

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet