Jowai,Rymphang,13: Ka H.A.N.M – Shangpung Circle ka la ia kynduh ia u Deputy Commissioner West Jaintia Hills District, u bah P.S. Dkhar ha ka 27th u bnai ba la dep ha ka jingiadei bad ki nong jop ha ka Shangpung Elaka Dancing Superstar.
U D.C u la kular ban wad ki lad ki lynti ban pynlong da ka District level na ka bynta ki nongshad bad ruh ban wan rah da ki judges kiba na bar khnang ba kane ka thain kan nang kiew ha ka liang ka shad.
U president ka H.A.N.M – Shangpung Circle u bah E. J. Law, u la kyrpad ia u D.C ban shim khia ia kane ka kam khnang ba ki khynnah kin ioh jingmyntoi, khamtam eh ia kito kiba don ia ka sap shad ha ka thain Jaintia jongngi.(SP News)
