Kut ka phangkhang shnong ba 12 kynta da kaba lait na ki jingjia ba sngewsih

Shillong, Risaw 17: Ka pakhang shnong kaba 12 kynta kaba la khot da ki seng bhlang ban dawa na ka sorkar ban dei ban pyntrei kam ia ka ILP ha kane ka jylla Meghalaya ka la kut khlem da don kano kano ka jingia ba sgnewsih ha ki kynta jong ka pakhang shnong.

Kane ka pkhang shnong ka la ktah ia ka jylla baroh kawei bad khamtam eh ia kane ka nongbah shillong ha kaba ki ophis ki la khan glut lait noh tang katto katne tylli kiba la plie. Ki skul bad ki college ki la khang, ki surok ki la thylli bad ki surok ki la kylla jak ialehkai jong ki khynnah.

Na ka liang jong ki bor ba dei peit ia ki District Administration ki la pynjur bha ia ka jingpahara ka jong ki da kaba pyniaid ia ki pulit kylleng kylleng jong ka nongbah Shillong ban peit ba ki reiw sniew kin nym ioh ia lad ban shim kabu ha kum kane ka sngi.

Na ka liang jong ki pulit ki la kem ia ar ngut ki briew ha kane ka nongbah Shillong bad kita ki long u Bah Thrangbor Nongrum jong ka  Kyrbom Mawprem  bad u Bah  Shemlad Nongrum na  Wahingdoh ia kane la kem na khlaw Lawmali na ki la ioh ar tylli ki jri bad ka kyiad phareng kaba 180 ML.

Katkum ki jingtip kiba la ioh na kiwei ki District jong ka jylla la ong ba ki ophis ki la khang bad kiba plie dei tang ki ophis jong ki Deputy Commissioners ha ki head quarter. Kat haduh ba thoh ia kane ka khubor ym shym ioh kano kano ka hubor ba don kano kano ka jingjia ba sngewsih hapdeng ki kynta pakhang shnong.(SP News)