Kwah ka KHNAM ia ka ain Lokayukta kaba khlain ha jylla

Shillong Nohprah 10:  Ka party KHNAM ka dawa na ka sorkar ba ka dei ban buh ia ka ain kaba khlain ban ia khun pyrshah ia ki kam bamsap, na ka liang jong ka seng ka dawa ba ia ka ain  Lokayukta Act dei ban pyntrei kam noh ha kane ka jylla.

Na ka liang jong u bah Edelbert Nongrum General secretary jong ka KHNAM u ba dei ruh u MDC jong ka Jaiaw u la ong ba ka ain ka dei ban don ha kane ka jylla Meghslaya. Hynrei lada don ia kane ka ain lada pynlait noh ia u myntri rangbah ka jylla kane ka ain kan nym don jingmyntoi.

Kumba ka long mynta kane ka ain Lokayukta Act kaba don ha kane ka jylla ka long ka jingshah rekhi bein ha kiba bun ba lang namar kam shym don kano kano ka bor ban pynshitom ia ki briew kiba don bynta ha ki kam bamsap kumba ki la shah kynnoh.

Kumba ka long mynta na ka liang jong u myntri rangbah ka jylla u la kren ha kaba ia dei bad kane ka ain ka long tang ban pynhun ia ka jingdawa jong ki seng bhalang hynrei kam shym don kano kano ka jngleh ban teh la kam ia ki kam ban sap ha kane ka jylla la kynnoh.(SP News)

 

What Next?

Related Articles

Leave a Reply

Submit Comment
*