Shillong, Jymang 15: U Manas Choudhury MLA barim jong ka Mawprem haba pynshai halor ka jingjynnoh jong ka Greater Laban Community Development Society (GLCDS) u la ong ba kane baroh kadei tang ka buit ba la jan ka MDC election ka ban long ha u snem ban wan ban ong ba dei ma kiba ieit jaidbynriew.
Haba kren ha ki nongthoh khubor mynta ka sngi u la ong ba kane ka kam ka dang don hapoh ka jingbishar. Na ka liang jong u u kloi ban pdiang ia ka rai jong ka iing bishar lada ka long ha kano kano ka dur ruh. Hynrei ba lei ka jingbihsar hapoh jong u Deputy Commissioner kam lah ban rai mynta la 20 snem.
U la ong ba na ka liang jong u haduh mynta ym shym la kam trai ia kane ka jaka hynrei ki shongwai. Ia kane ka jaka la shimwai da u kpa jong u P N Choudhury ha u snem 1953 bad ka iaid mynta la 60 snem. Ha dien ba u trai jong kane ka jaka u la leit noh sha East Pakistan bad ka sorkar India ha u snem 1950 ka la shna ia ka Evacuee Property Management Act.
Kane ka jaka ka hap hapoh kane ka Act. Ha dien ba ka sorkar Assam ka la pdiang ia kane ka Act ka la thaw ia ka evacuee property management committee bad ia ka bai wai ki siew sha kane ka committee ha ka por jong ka Assam. Ha dien ba la ioh ia ka jylla Meghalaya ka sorkar Meghalaya kam shym leh ei ei ia kane.
U la ong ba dei ma u (Manas) u ba la thoh sha ka sorkar ha u snem 1981 bad u la pynkynmaw biang ha u snem 1983 iaka sorkar, hynrei kynsan la shu wan tah notice ba dei man mih noh hapoh 15 sngi lada kim don jingujor ha u snem 1994 dei hangne ba ki sal leit sha iing bishar.
Naka liang jong ka High Court ka phah sha ka cout jongu Deputy Commissioner naduh u snem 1994 bad ka sah haduh mynta. U kwah ba ka iing bishar kan ai noh ia ka rai kham kloi. Dei ha u snem 2002 ka sorkar jong u Bah EK Mawlong ka la pynkhih ia kane hynrei ka sah haduh kine ki sngi.
Ia ka bai wai ym shym la siew na du snem 1973 ka daw ka long ba ka sorkar Meghalaya kam shym la thaw ia ka Committee haduh kine ki sngi. U ong ba peit ha ka dur kaba mih ha ki kot khubor baroh kiwei kiba leit ban ia kynduh ia u myntri rangbah dei tang ki dkhot ka NCP bad u suba jur ba ka dei ka buit election jong no re ban ong ba ki leh ei ei na ka bynta ka jaid bynriew.(SP News)
