Tura, Nailar 01: Ar ngut ki area commander jong ka seng lehnoh Garo National Liberation Army (GNLA) U Philliport bad Rangdat kila ioh ban phet na ka kti jong ki pulit ka jylla Meghalaya mynta ka sngi ha ka por ba ki pulit ki dang pynlong ia ka jingkhynra ia ka ktem jong ki ha Resubelpara jong ka North Garo Hills.
Ia kane ka jingleit ban kyndang ia ka ktem jong ki lehnoh la leit da ki pulit SWAT ha kaba la synran lang ia kida ki CRPF’s CoBRA commandos ha ka por san shiteng mynstep.
U heh pulit jogn ka North Garo Hills, u Jerry Marak u la ong ba ha dien ba kila ioh ia ka jingtip kaba thikna ba ki don ki dkhot jong ka seng GNLA kumba 20 ngut ha ka shnong Matrongre ki pulit kila pynlong ia ka jingkhynra ia katei ka jaka bad ha kane ka jingleit kala don ka jingiasait kaba la neh kumba 30 minit ei ei.
Namar ka jinglong ka jaka ki lehnoh kila ioh ban phet na katei ka jaka bad ki pulit kim shym la ioh ei ei na ka ktem jong ki GNLA. Kumba ka long mynta haduh 14 tylli ki jaka rieh jong ki GNLA la pynpra da ki pulit.(SP News)