New Delhi,Kyllalyngkot 29: Ka Staff Selection Commission (SSC) kala pynbna paidbah ba kan pynlong biang ia ka examin na ka bynta ka kam ted Combined Graduate Level Examination na ka daw ba ka ophis ka la ioh jingtip ba ki don ki jaka toh examin ki samla wad kam ki peitkot tuh.
Ia katei ka examin ka SSC ka la dep ban pynlong ha u bnai Iaiong 21 tarik jong u snem 2013 ia ka Tier I, bad ha u bnai jymmang 19 tarik ia ka Tier 2, bad ia ka Tier 3 ha u Nailar 2013. kane ka jingpeit kot tuh ka long na ka bynta ka examin Tier 1 & 2.
Na ka liang jong ka SSC ka shim ba kane ka examin ka long kaba khuid ba suba bad ban pynlait na kane ka jingpeit kot tuh kala shim ia ka rai ban pynlong da kawei pat ka examin tang ha kito ki jaka kiba jia kane ka jingiapeit kot tuh.
Ia kane ka jingpeit kot tuh la dep ban tohkit da ki pulit jong ka nongbah Delgi bad la lap ba ka long kaba shisha. Ia ki jaka ban pynlong biang ia kane ka examin lah ban lap na ka website jong ka SSC.
Na ka bynta kito kiba la palat ka rta la shah ia ki ba kin toh ia kanw ka examin, hynrei kan long tang ia kito kiba la dep thoh mynshuwa.ong ka khubor pib.(SP News)
